Ние сме Ана и Мане, двајца посветени ентузијасти и неуморни истражувачи кога станува збор за престој во природа. Наше гориво е љубовта кон зелениот свет, а истата е надополнета со низа активности кои ги прават патувањата незаборавни.

Последните пет години ги посветивме на откривање нови места, а секое заминување од дома е ново поглавје во оваа наша виртуелна приказна.

Спиење под отворено небо, искачување на планини, веслање по тиркизни реки и езера, возење на пејзажни рути низ непознати предели, се само дел од активностите во кои уживаме. Иако не сме експерти во ниту една од нив, нашите патувања се богати со различни доживувања и често служат како мотивација за оние кои нѐ гледаат, па и за самите нас.

Корените на adventure.mk се протегаат до 2019 година, кога на заедничкиот нескротлив дух му ја дадовме целата слобода и почнавме да го правиме она што најмногу го сакаме. Оттогаш, секојдневните авантури ги преточуваме во приказни, а приказните во разгледници кои сведочат за доживувањето на едно место преку нашата призма.

Ако си тука да најдеш инспирација за твоите следни патувања, да откриеш нови дестинации или едноставно да уживаш читајќи ја нашата пасија кон аутдор светот – ти посакуваме пријатен престој.

За сите прашања и дилеми, тука сме за тебе!

До следна авантура,

Ана и Мане

Контакт: hi@adventure.mk